Champi Card

ສະບາຍດີ !

ຍິນດີຕ້ອນຮັບທ່ານສູ່ຮ້ານຈໍາປີ – ຮ້ານບັດເຊີນ ແລະ ຊຸດແຕ່ງງານທ່ານຍິງລະດັບແຖວໜ້າຂອງລາວ.
ລູກຄ້າທີ່ຮັກທຸກທ່ານ ຮ້ານຈໍາປີຂອງພວກເຮົາໄດ້ສ້າງຕັ້ງຂື້ນໃນປີ 2008 ແລະ ໄດ້ດໍາເນີນທຸລະກິດສະເພາະກ່ຽວກັບການຈັດພິມ ແລະ ຂາຍເຄື່ອງໃຊ້ໃນຫ້ອງການ. ຈົນມາເຖິງປີ 2015 ຮ້ານຈໍາປີໄດ້ຜະລິດບັດເຊີນທີ່ເປັນເອກະລັກສະເພາະຂອງຕົນເຊິ່ງມີຫຼາຍແບບ, ຫຼາຍສີສັນທີ່ຕອບສະໜອງຕາມຄວາມຕ້ອງການຂອງລູກຄ້າໄດ້ເຊັ່ນ: ບັດເຊີນທີ່ມີຄວາມໂດດເດັ່ນ, ຫຼູຫຼາ ອະລັງການ ກັບລາຄາສຸດຄຸ້ມຄ່າ ມີຫຼາຍຫຼາຍລາຄາທີ່ສາມາດຕອບສະໜອງຕາມຄວາມຕ້ອງການຂອງລູກຄ້າໄດ້. ເຖີງແມ່ນວ່າຮ້ານຈໍາປີຂອງພວກເຮົາຈະເປັນມືໃໝ່ໃນວົງການການຜະລິດ ແລະ ຈໍາໜ່າຍບັດເຊີນກໍຕາມ ແຕ່ຍ້ອນມີການຈັດຕັ້ງທີ່ດີ ແລະ ຄວາມເປັນມືອາຊີບຂອງພະນັກງານພ້ອມກັບການນໍາໃຊ້ອຸປະກອນທີ່ທັນສະໃໝຂອງໂລກໃນການດໍາເນີນການເຊັ່ນ: ເຄື່ອງຕັດບັດ, ເຄື່ອງພິມລວດລາຍດ້ວຍເລເຊີ ພ້ອມອຸປະກອນຕົກແຕ່ງແບບ 3 ມິຕິ ດ້ວຍລະບົບເຄື່ອງຈັກແບບອັດຕະໂນມັດ CNC, ສະນັ້ນ, ຈຶ່ງເປັນເຫດຜົນ ແລະ ທາງເລືອກທີ່ດີທີສຸດຂອງລູກຄ້າຫຼາຍໆທ່ານ.
ມາຮອດປີ 2019 ຮ້ານຈໍາປີໄດ້ກາຍເປັນໜຶ່ງໃນບັນດາຫ້າງຮ້ານທີ່ຈັດພິມ, ຜະລິດ ແລະ ຈໍາໜ່າຍບັດເຊີນເປັນອັນດັບແຖວໜ້າຂອງລາວ. ທຸກໆປີທາງຮ້ານຂອງພວກເຮົາໄດ້ອອກແບບ ແລະ ນໍາມາຈັດຈໍາໜ່ຍໃຫ້ລູກຄ້າຫຼາຍກວ່າ 100 ແບບ. ສະນັ້ນ, ຈຶ່ງເຮັດໃຫ້ຮູບແບບຂອງບັດເຊີນມີຄວາມຫຼາກຫຼາຍ. ເຊິ່ງເປັນບັດທີ່ມີລາຄາທີ່ເໝາະສົມ ແລະ ຖືກໃຈລູກຄ້າໃນໄລຍະຫຼາຍປີທີ່ຜ່ານມາ, ຮ້ານຈໍາປີຍັງຄົງບໍ່ຢຸດຢັ້ງໃນການອອກແບບ ແລະ ຜະລິດບັດເຊີນສີສັນໃໝ່ເພື່ອມາໄວ້ບໍລິການລູກຄ້າຕໍ່ໆໄປ ບໍ່ວ່າຈະເປັນການຍົກສູງທາງດ້ານຄຸນນະພາບເພື່ອຕອບສະໜອງຕາມຄວາມຕ້ອງການຂອງລູກຄ້າໃຫ້ນັບມື້ນັບດີຂຶ້ນ.
ຮ້ານຈໍາປີຂອງພວກເຮົາບໍ່ພຽງແຕ່ໃຫ້ບໍລິການລູກຄ້າສະເພາະແຕ່ບັດເຊີນເທົ່ານັ້ນ, ຮ້ານຈໍາປີຍັງມີການເປີດໂຕຜະລິດຕະພັນຫຍີ່ຫໍ້ Champi Bridal ເຊິ່ງເປັນການລົງເລິກໃນການຂາຍເຄື່ອງສົ່ງ ແລະ ໃຫ້ເຊົ່າຊຸດແຕ່ງງານສໍາລັບທ່ານຍິງເພື່ອເປັນການຕອບສະໜອງໃນການບໍລິການໃຫ້ລູກຄ້າໄດ້ດີຂື້ນ. ກັບບັນດາຮູບແບບຊຸດແຕ່ງງ່ານທ່ານຍິງເຊິ່ງມີຄວາມໂດດເດັ່ນ, ຫຼູຫຼາ, ທັນສະໄໝ Champi Bridal ມີຄວາມພາກພູມໃຈທີ່ໄດ້ເປັນຮ້ານທີ່ລິເລີ່ມແບບໃໝ່ໃນຂົງເຂດຊຸດແຕ່ງງານຂອງທ່ານຍິງໃນລາວ. ກັບປະສົບການ 11 ປີ ແຫ່ງການຈັດພິມບັດເຊີນ ແລະ 4 ປີແຫ່ງການຈັດການກ່ຽວກັບຊຸດແຕ່ງງານຂອງທ່ານຍິງ, ຮ້ານຂອງພວກເຮົາສັນຍາວ່າຈະອອກແບບ ແລະ ນໍາເອົາສິນຄ້າທີ່ທັນສະໄໝທີສຸດ ແລະ ດີທີສຸດພ້ອມກັບລາຄາທີເໝາະສົມມາໃຫ້ລູກຄ້າ.
ທ້າຍນີ້, ຮ້ານຈໍາປີ ຂໍຂອບໃຈມາຍັງລູກຄ້າທີ່ໜ້າຮັກທຸກທ່ານ ແລະ ຂໍອວຍພອນໃຫ້ລູກຄ້າທຸກໆທ່ານຈົ່ງມີຄວາມສຸກຕະຫຼອດໄປ.

ຮູບພາບກ່ຽວກັບຈໍາປີ

ຕິດຕໍ່ ເພື່ອຮັບຄໍາປຶກສາໂດຍກົງກ່ຽວກັບສິນຄ້າ ແລະ ການບໍລິການຂອງ ຮ້ານບັດເຂີນຈໍາປີChampi Card

02029882644