ຄວາມໝາຍແຕ່ລະສີບັດເຊີນ

ບັດເຊີນສີຟ້າ

ສີຟ້າເປັນສີທີ່ເຮັດໃຫ້ເຮົາຄິດເຫັນທ້ອງຟ້າ ແລະ ທະເລອັນກວ້າງໃຫຍ່, ນໍາມາພ້ອມກັບຄວາມສະຫງົບ ແລະ ຄວາມສັດທາ. ບໍ່ແມ່ນຢູ່ດີໆທຸງຊາດບັນດາປະເທດໃນໂລກຈະມີສີຟ້າ, ມັນຄືສັນຍາລັກຂອງສັນຕິພາບ ແລະ ມິດຕະພາບ.

ສີຟ້າອ່ອນ: ບົ່ງບອກເຖີງຄວາມລະອຽດ, ອ່ອນຊ້ອຍ, ຖ້າທຽບໃສ່ຈິດໃຈແລ້ວໝາຍເຖີງຄວາມເມດຕາ.

ສີຟ້າເຂັ້ມ: ສະແດງເຖີງສະຕິປັນຍາ, ພະລັງ, ຄວາມໝັ້ນຄົງ ແລະ ມີຄວາມເປັນມືອາຊີບສູງ, ສາມາດຮູ້ສຶກໄດ້ເຖີງຄວາມປອດໄພ.

ສໍາລັບຄວາມຮັກນັ້ນ ສີຟ້າໝາຍເຖີງຄວາມບໍລິສຸດໃຈ, ມີຄວາມສົດໃສ ແລະ ມີຄວາມເຊື່ອໝັ້ນ. ມີຫຼາຍຄູ່ບ່າວສາວທີ່ມາຮ້ານ Champi Card ແລະ ເລືອກເອົາບັດເຊີນສີຟ້າ ເພື່ອເປັນການຈົດຈໍາເຖີງວັນທີ່ຍິ່ງໃຫຍ່ທີສຸດໃນຊີວິດ.

   

ບັດເຊີນທີ່ໂດດເດັ່ນ

ແບບຢ່າງບັດເຊີນທີ່ໂດດເດັ່ນນີ້ ພິເສດ ເໝາະສົມກັບຄູ່ບ່າວສາວທີ່ມັກຄວາມຫຼູຫຼາອະລັງການ. ນອກນັ້ນ, ບັດເຊີນປະເພດນີ້ຈະເປັນສ່ວນໜື່ງທີ່ຊ່ວຍໃຫ້ງານແຕ່ງຂອງທ່ານມີຄວາມດຶງດູດໃຈ ແລະ ສ້າງຄວາມຫຼູຫຼາໃນໃຈຂອງແຂກທີ່ມາຮ່ວມງານ. ສະຕາຍທີ່ຫຼູຫຼາ ງ່າຍໆ ແຕ່ມີຄວາມໂດດເດັ່ນ. ງ່າຍຢູ່ທີ່ບໍ່ໄດ້ໃຊ້ລວດລາຍຫຼາຍ, ໃຊ້ສີໜ້ອຍເປັນແບບທໍາມະດາ. ໂດດເດັ່ນຢູ່ທີ່ການນໍາໃຊ້ພວກໄຂ່ມຸກ, ມັດໂບເພີ່ມຄວາມຫຼູຫຼາໃຫ້ບັດ. ແບບຢ່າງບັດເຊີນທີ່ໂດດເດັ່ນນີ້ສ່ວນໃຫຍ່ຈະນໍາໃຊ້ລວດລາຍ ຄລາສສິກ (Classic) ປະສົມກັບສີເທົາ ຫຼື ເຈ້ຍເຫຼື້ອມ.

ພິມເນື້ອໃນທາງດ້ານໃນດ້ວຍຟຣອນໜັງສືຕັ້ງແຂງ, ນໍາໃຊ້ພຽງແຕ່ລວດລາຍງ່າຍໆຕົກແຕ່ງ. ພິເສດທ່ານສາມາດນໍາໃຊ້ການພິມແບບເຄືອບສີຄໍາ ຫຼື ສີເງີນໃສ່ໜັງສືໄດ້. ສະຕາຍໃໝ່ຂອງ 2019 ມີການເພີ່ມລາຍລະອຽດແບບຕັດເລເຊີ, ເພີ່ມແບບຢ່າງໃໝ່ບາງຈໍານວນສະເພາະປີ 2018, ເບີ່ງຊອງບັດເຊີນແລ້ວມີຄວາມໂດດເດັ່ນຂື້ນຢ່າງຂາດຂັ້ນ.

 

 

 

 

 

 

 

 

ບັດເຊີນສີຊົມພູ

ສີຊົມພູ ມີຫຼາຍໆຄູ່ບ່າວສາວທີ່ເລືອກສີນີ້ ເພາະສີຊົມພູໝາຍເຖີງຄວາມຮັກທີ່ຈິງໃຈ ແລະ ໂຣແມນຕິກ. ຍ້ອນແນວນັ້ນ ຮ້ານ Champi Card ໄດ້ຜະລິດບັດເຊີນສີຊົມພູນີ້ຂື້ນມາ ເພາະສີນີ້ເປັນສີແຫ່ງຄວາມອ່ອນເຍົາເມື່ອເບິ່ງແລ້ວງາມຕາ. ພວກເຮົາຫວັງວ່າສີນີ້ຈະສະແດງໃຫ້ເຫັນເຖີງຄວາມບໍລິສຸດໃຈ, ຄວາມອ່ອນນ້ອມ ກໍ່ຄືຄວາມຝັນເພື່ອເຕີມເຕັມຄວາມສຸກໃຫ້ເຂີຍໃໝ່ ແລະ ໃພ້ໃຫມ່.

 

 

 

 

 

 

 

 

 

ບັດເຊີນສີເຫຼືອງ

ສີເຫຼືອງເປັນສີທີ່ນິຍົມທົ່ວໄປຂອງສີບັດເຊີນໃນຍຸກນີ້. ເລືອກສີບັດເຊີນ ສີເຫຼືອງ ເພາະເປັນສີທີ່ມີຫຼາຍຄວາມໝາຍພິເສດ. ສະໃໝ່ກ່ອນສີເຫຼືອງຍັງໄດ້ຖືວ່າເປັນສີຂອງເຈົ້າຊີວິດ, ສີແຫ່ງຄວາມສັກສິດ. ສີເຫຼືອງໝາຍເຖີງສີແຫ່ງຄວາມຮັ່ງມີ ແລະ ຈະເລີນຮຸ່ງເຮືອງ. ເລືອກບັດເຊີນສີເຫຼືອງ ສະແດງໃຫ້ເຫັນວ່າຄູ່ບ່າວສາວເປັນຄົນມັກໃນຄວາມລະອຽດ່ອນ ມີຄວາມປານີດໃນການໃຊ້ຊີວິດ,  ມີຄວາມສຸກກັບທຸກບາດກ້າວໃນການໃຊ້ຊີວິດ.

 

 

 

 

 

 

 

 

ບັດເຊີນສີໄມ້

ປີ 2017 ເປັນປີຂອງການຄອງບັນລັງຂອງສີນີ້ “ສີໄມ້” ຫຼື ເອີ້ນວ່າ Rustic. ສະນັ້ນສີນໍາຕານໄດ້ຖືກເລືອກເປັນສີຫຼັກ. ຄູ່ບ່າວສາວເລືອກບັດເຊີນສີນີ້ໝາຍເຖີງການໃຊ້ຊີວິດແບບລຽບງ່າຍ ແຕ່ມີຄວາມໂດດເດັ່ນໃນຕົວ. ສີນໍ້າຕານຂອງໄມ້ຍັງສະແດງໃຫ້ເຫັນເຖີງທັດສະນະຄະຕິຂອງຄູ່ບ່າວສາວວ່າເປັນຄົນງ່າຍໆ ແຕ່ສຸກຂຸມຮອບຄອບ ແລະ ຈິງໃຈ.

 

 

 

 

 

 

 

 

ບັດເຊີນສີຂຽວໃບໄມ້

ສີຂຽວປະສົມກັບສີເຫຼືອງ ແລະ ສີຟ້າ ຈື່ງເຮັດໃຫ້ສີມີຄວາມລົງຕົວ, ໝາຍເຖີງຄວາມມີຊີວິດຊີວາ, ມີຄວາມກ້າວໜ້າ, ເໝາະສົມກັບທຸກສະພາບແວດລ້ອມທີ່ຄູ່ບ່າວສາວປັບຕົວກັບທຸກສະພາບແວດລ້ອມໄດ້ດີ. ແຕ່ຄູ່ທີ່ເລືອກສີຂຽວນີ້ເປັນຄົນທີ່ຈິງໃຈ, ພໍພຽງ, ມີຫຼັກການໃນຊີວິດ.

ສີຂຽວສາມາດນໍາໃຊ້ໄດ້ທຸກລະດູໃນໜື່ງປີ ດ້ວຍສີສັນທີ່ແຕກຕ່າງກັນ. ຂື້ນກັບເວລາທີ່ທ່ານຈັດງານ ເພື່ອສາມາດເລືອກສີທີ່ເໝາະສົມກັບງານແຕ່ງທີ່ເປັນເອກະລັກສະເພາະຂອງຕົນ. ຖ້າເປັນລະດູບານໃໝ່ທ່ານຄວນເລືອກສີຂຽວ, ສີຂຽວຂອງຫຍ້າທີ່ເໝາະສົມກັບລະດູແລ້ງ, ສີຂຽວຈາງເຫມາະກັບລະດູໃບໄມ້ລົ່ນ ແລະ ສີຂຽວຫຍົກເໝາະສໍາລັບລະດູໜາວ.

close
ເລີ່ມພິມເພື່ອເບິ່ງໂຄງການທີ່ທ່ານ ກຳ ລັງຊອກຫາ.

ຄັງສິນຄ້າ

ປິດ

ລົງຊື່ເຂົ້າໃຊ

ĐÓNG

Sidebar Scroll To Top